SISWATI
VIMBELA kukhwabanisa, inkohlakalo, bugebengu netento letingakalungi
Shaya 0800 200 821
LiTiko leTemanti neMahlatsi libeke lucingo lwelusito lwamahhala lwemahora langu-24 kubika nobe ngulokunjani ikukhwabanisa lokusolelwako netento letingakalungi.
Uma ucabanga kuniketa libito lakho, umniningwano nemabito akho kutawuba yimfihlo. Lolucingo lwelusito lutawusebenta emahora langu-24 ngelusuku, tinsuku letingu-365 ngemnyaka. Lucingo lushaywa mahhala futsi lungashaywa nasecingweni lwangasese nobe lwemphakatsi ngaphandle kwetindleko kuloshayako.
Lolucingo lwelusito lumiselwe kusingatsa indlela yekusebenta lelungile futsi ngasikhatsi-sinye lunikete ebasebenti indlela yekubika tento temisebenti letingakalungi kubaphatsi labakhulu.
Leli litfuba lakho kutsi usite ekuvimbeni kwako konkhe kukhwabanisa, tinkohlakalo, bugebengu netento letingakalungi, njengekucashatwa ngekwelicasi kuleliTiko.
Lolucingo lwelusito lusebenta ngalendlela:
Sinyatselo 1
Shaya 0800 200 821.
Sinyatselo 2
Ungashaya ungashiyi libito lakho kodvwa cinisekisa kutsi uniketa umniningwano lophelele (ngubani, kuyini, kuphi, nini, njani nekubaluleka kwalombiko) kumuntfu lophendvula lucingo.
Utawuniketwa inombolo yekutsatsisela. Kubeke kahle loko, njengobe utakudzinga uma utawufuna kushaya lucingo futsi unikete umniningwano lomunye.
